Фарғонада Умра сафарига бориб қайтган фуқарода 24 март санасида коронавирус аниқланган эди. ССВнинг хабар қилишича 59 ёшли беморнинг аҳволи оғирлигича қолмоқда.
Бемор шу вақтгача сурункали ўпка ва гипертония хасталиги билан диспансер назоратида турган. Ҳозирда вилоят юқумли касалликлар шифохонасида даволанаётган беморда ўткир нафас етишмовчилиги иккинчи даражаси кузатилмоқда. У айни пайтда сунъий нафас олиш аппаратига олинган.
Ҳозирда Фарғонада 26 нафар бемор коронавирусга чалинган. Улар вилоят юқумли касалликлар шифохонасида даволанмоқда.
