Вирусология илмий текшириш институти клиникаси бош шифокори, тиббиёт фанлари доктори Муҳайё Асилованинг айтишича яқин кунларда яна беморлар тузалиши кутилмоқда. Шифокор бу ҳақда видеомурожаатда айтган.
Шифокор бутун илми, меҳрини ишлатган ҳолда беморлар билан ишлаётганини таъкидлади.
"Мана кеча 8 таси (беморлар) тузалган бўлса бугун мана 4 таси тузалди. 1-2 кундан сўнг яна 10-11 таси тузалишини режалаштиряпмиз. Чунки уларда клиник белгилари йўқ деса ҳам бўлади", - деди шифокор.
Асилова 33 йиллик шифокорлик фаолияти давомида бундай пандемия билан биринчи марта дуч келганини таъкидлаган. Ушбу вирусни енгишда бутун коллектив курашаётганини айтиб, Президент ва ҳукуматга миннатдорчилик билдирди.
