Ўзбекистонда фавқулодда ҳолат эълон қилиниши билан боғлиқ ижтимоий тармоқларда видеохабар тарқалди.
Маълум бўлишича, тармоқларда шу йил 6 апрелдан мамлакатда фавқулодда ҳолат эълон қилиниши билан боғлиқ видеохабар тарқалган. Antifake.uz каналининг хабар беришича, ушбу хабар ёлғон ва ҳақиқатга тўғри келмайди.
Аҳоли орасида ваҳима чиқаришга қаратилган маълумотлар ва материалларни ҳар қандай шаклда тарқатиш 66 млн 900 минг сўмдан 89 млн 200 минг сўмгача миқдорда жарима ёки 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади, дейилади канал ахборотида.
