Соғлиқни сақлаш вазирлиги томонидан Ўзбекистонда коронавирусга чалинганлар ҳақида батафсил маълумот берилди.
Вазирликнинг маълум қилишича, ҳозиргача вирусга чалинган 390 нафар беморнинг 188 нафари эркак, 202 нафари аёллардир.
Беморларнинг 31 нафарида пневмония кузатилмоқда. Шундан 9 нафарининг аҳволи нисбатан оғир, 2 нафарининг аҳволи эса ўта оғир баҳоланмоқда.
Ҳозирда Тошкентда 170 нафар коронавирус инфекциясига чалинган бемор даволанмоқда. Шунингдек, Қорақалпоғистон Республикасида 2, Андижон вилоятида 61, Бухоро вилоятида 19, Наманган вилоятида 48, Фарғона вилоятида 64, Хоразм вилоятида 18, Қашқадарё вилоятида 6 ҳамда Навоий вилоятида 2 нафар бемор ҳудуддаги юқумли касалликларга ихтисослашган шифохоналарда даволанишмоқда.
