Самарқандда коронавирусга чалинган илк бемор аниқланди. Бу ҳақда Зарньюс хабар қилди.
Манбанинг хабар беришича бемор ўзида коронавируснинг аломатларини сезгач дарҳол ҳудудий поликлиникага мурожаат қилган ва ўша ерда анализ топширган. Таҳлил натижасига кўра унда вирус аниқланган. Вилоятдаги малакали шифокорларнинг саъй ҳаракатлари билан бемор дарҳол, барча чоралар кўрилган ҳолда вилоят юқумли касалликлар шифохонасида алоҳида боксга жойлаштирилган. У билан мулоқотда бўлганлар ҳам вилоят юқумли касалликлар шифохонасига жойлаштирилди.
Шунингдек, атрофдагиларнинг ҳам хавфсизлигини таъминлаш мақсадида шу вақтгача вилоят юқумли касалликлар шифохонасида карантин назоратида бўлган фуқаролар зудлик билан бошқа муассасага кўчириб ўтказилган.
Эслатиб ўтамиз, ҳозиргача Самарқанд вилоятида 1 та коронавирус инфекцияси қайд этилган.
