ИИВ Ахборот хизмати раҳбари Шоҳрух Ғиёсов бугун бўлиб ўтган брифингда фуқаролар томонидан фейбукда билдирилаётган фикрларни ўқиб эшиттирди.
Хусусан, бир аёл фейсбукда ҳукуматга раҳмат айтган. Аёлнинг ёзишича карантин сабаб эркаклар аёлга уйда ўтириш қанчалар қийин эканини тушиниб етмоқда.
“Масалан, мен институтда ўқиганман, маълумотим олий, лекин эрим мени 10 йилдан бери уйда ўтирасан, ишламайсан, мен ўзим сени боқаман деб, уйда ўтиришга мажбур қилган. Ҳозир ўзи ҳам уйда ўтириш қанчалик қийинлигини тушуниб етди. Ўйлайманки, бу чоралардан кейин кўпчилик эркаклар эски сарқитлардан, яъни аёл киши уйда ўтириш керак деган фикрдан халос бўлишади.
Мен хурсандман, карантин тугагандан кейин албатта ишлашга чиқаман” – деб ёзган бир аёл.
Шунингдек, яна бир аёл карантинда эркаклар болаларининг дарслари ва уларнинг тарбияси билан шуғулланишга вақт топа олаётгани ҳақида ёзгани ҳам таъкидланди.
Давлатимизга катта раҳмат, менинг эримни оиламга қайтардингиз. Ишқилиб, карантин тезда тугаб қолмасин, – деб айтган бошқа бир аёлнинг сўзларини келтирди Ғиёсов.
