Хитойдан Ўзбекистонга беғараз ёрдам сифатида коронавирусга қарши ишлатиладиган дори воситалар етиб келди. Бу ҳақда Инновацион ривожланиш вазирлиги хабар қилди.
Маълум бўлишича, умумий миқдорда 50 минг қути дори воситалари кеча, 9 апрель санасида Ўзбекистонга етиб келган. Ушбу дорилар Хитойда ишлаб чиқарилган ва улар қуйидагилардан иборат:
1) “SPH Zhongxi Pharmaceutical Co., Ltd” фармацевтик компанияси томонидан ишлаб-чиқарилган “Fenle” препарати (гидроксихлорохин сульфат таблеткалари 100 мг) – 20 000 та қути. Ушбу препарат безгакка қарши хусусиятга эга бўлиб, коронавирусга қарши курашда ҳам яхши самара бермоқда.
2) Xinjiang Uyghur Pharmaceutical Co., Ltd. фармацевтик компанияси томонидан ишлаб-чиқарилган “Zukamu” — 10 000 та қути ва “Zupa” — 10 000 та қути препаратлари бўлиб, улар ўткир респиратор касаллик ва грипп симптомларини бартараф этишда самарали дори воситаси ҳисобланади.
3) Xinjiang Yinduolan Uighur Medicine Co., Ltd. фармацевтик компанияси томонидан ишлаб-чиқарилган “Fufang Yizhihao” препарати — 10 000 та қути. Ушбу препарат вирусли шамоллаш, томоқнинг яллиғланиши ва оғриғини босиш, бош оғриғи ва тана ҳароратини туширишда самарали восита ҳисобланади.
