Бугун тармоқларда эвакуатор устида кетаётган "Матиз"га жарима ёзилгани ҳақида хабарлар тарқалди. Ваҳоланки тезликни эвакуатор юк машинаси оширган, лекин "Матиз"да нима айб, деган саволлар тармоқларда кўп бора берилди.
Ушбу ҳолат Сирдарёда содир бўлган ва воқеага вилоят ИИБ изоҳ берди. Маълум бўлишича, радар ҳақиқатдан ҳам "Матиз"га ҳам жарима ёзган. Шу қаторда радар эвакуатор ҳам ҳудди шундай жарима белгилаган. Яъни эвакуатор 60 км/соат тезликда юриши керак бўлган жойда 70 тезликда юрган. Радар эса суратга олиб, "Матиз" ва эвакуаторнинг жарима хатини ижроси учун масъулларга юборган. Масъуллар эса онгли равишда жарима хатини эвакуатор ҳайдовчисига жўнатган, "Матиз" ҳайдовчисига эмас.
Ҳа, "Матиз" эвакуатор юк машинасида нима қилаяпти деган саволга ҳам жавоб берилган. 9 апрелда "Матиз" ҳайдовчиси карантин қоидасини бузиб, кўчага чиққан. У ушланган ва жарима майдончасига эвакуаторда олиб кетилаётган бўлган.
