Бугун бўлиб ўтган навбатдаги брифингда Адлия вазирлиги бошқарма бошлиғи Ғайбулло Примовга фуқародан савол келиб тушди. Фуқаронинг билдиришича у карантин даврида масофадан ишламоқда, лекин қўшниси тунги соат 12 гача баланд мусиқа қўяди ва бу унинг ишига салбий таъсир кўрсатмоқда. Шунга қандай жазо борлиги сўралди.
Адлия вакилининг маълум қилишича, Маъмурий жавобгарлик тўғрисидаги кодекснинг 192-моддасига биноан, фуқаролар тунги соат 23:00 дан 06:00 гача баланд овозда мусиқа қўйиши ҳамда балан овозда ашула айтиши мумкин эмас. Агар шундай ҳолат содир бўлса фуқароларга 74 333 сўм, мансабдор шахсларга эса 111 500 сўмгача маъмурий жарима солиниши мумкин.
Примов бундай ҳолатда яшаш ҳудудидаги профилактика инспекторига мурожаат қилишни тавсия қилди.
