Бугун бўлиб ўтган навбатдаги брифингда ИИВ Ахборот хизмати раҳбари Шоҳрух Ғиёсов иштирок этиб, кўчада бемақсад юрганларга жарима қўлланилишини яна бир бор эслатиб, паспорт билан юриш шартлигини айтди.
Ғиёсовнинг айтишича ҳуқуқ тартибот органлари ходимларига карантин қоидасини бузганларга нисбатан чора кўриш вазифаси юклатилган. Шундай экан, кўчага чиққанда ИИБ ва Миллий гвардия ходими фуқаронинг кўчага чиқиш мақсадини сўрайди ва ундан шахсини тасдиқловчи ҳужжатни талаб қилишга ҳақли. Агар фуқарода паспорт бўлмаса унда ИИОга олиб борилади ва шахсига аниқлик киритади.
Шунинг учун, ҳаётий зарурат туғилганида кўчага чиқсангиз паспортингиз ёнингизда бўлиши шарт, - дейди Ғиёсов.
Шунингдек, агар фуқаро ишга кетаётган бўлса ундай ҳолатда фуқарода қўшимча равишда ишхона гувоҳномаси ва раҳбар тасдиқлаган маълумотнома бўлиши кераклиги ҳам таъкидланди.
