Аввал маълум қилганимиздек бугун коронавирусга қарши курашиш штаби аъзоси Ҳабибулла Оқилов иштирокида брифинг бўлиб ўтди.
Брифингда Ўзбекистонда коронавирусга чалинган бемор даволаниш учун пул тўлайдими деган мазмунда савол берилди.
"Ҳар хил давлатларда коронавирусдан даволанаётган беморларнинг қанча тўлаши ҳар хил талқин этилмоқда. Ҳақиқаттан ҳам бу диагноз билан даволаниш, айниқса реанимацион ҳолатларда арзон бўлиши мумкин эмас. Асосийси шундаки, Ўзбекистонда коронавирус билан боғлиқ бўлган барча ҳаражатлар давлат томонидан қопланади ва бемор учун барча карантин зоналарида карантинда сақланувчи фуқароларимиз учун бепул", - дейди Ҳабибулла Оқилов.
