Ўзбекистонда карантин эълон қилинганидан бери 86 411 марта карантин қоидалари бузилди. Бу ҳақда ИИВ хабар қилди.
Маъмурий жавобгарлик тўғрисидаги Кодекснинг 54 моддаси 2 қисмига кўра карантин қоидаларини бузганлик учун фуқароларга БҲМнинг 20-30 бараварагича (4 млн 460 минг сўмдан 6 млн 690 минг сўмгача), мансабдор шахсларга эса 30-50 бараваригача (6 млн 690 минг сўмдан 11 млн 150 минг сўмгача) жарима белгилаб қўйилган.
Агар барча 86 411 ҳолатда фуқаролар амалга оширган қоидабузарлик учун 4 млн 460 минг сўмдан тўлаган бўлган тақдирдаям яхшигина кўрсаткич - 853,5 млрд сўм келиб чиқади. Бу эса ўз навбатида 38 млн доллар демакдир.
Бу ўртача кўрсаткич холос. Лекин ўзбекистонликлар жариманинг миқдорини билса ҳам қоида бузишда давом этмоқда.
Қоида бузишда энг илғорлар қаторида доимгидек Тошкент - 15 900 ҳолат билан етакчилик қилмоқда. Кейинги ўринларда эса Фарғона вилояти - 13 847 ҳолат ва Тошкент вилояти - 12 845 ҳолат билан боришмоқда.
