Бугун бўлиб ўтган брифингда ИИВ ахборот хизмати раҳбари Шоҳрух Ғиёсов 9 май байрамида ота-боболарнинг қабрларини зиёрат қилиш мумкинми дея берилган саволга жавоб берди.
ИИВ вакили аввалроқ ҳукумат томонидан карантин даврида диний маросимларда қатнашиш чекланганини маълум қилди. Шундан келиб чиқиб, Ғиёсов карантин чоралари юмшайдиган бўлса, бу ҳақда зудлик билан хабар берилишини айтди.
Брифингда ИИВ ахборот хизмати рағбари яна бир бор карантин қоидаларига риоя этаётган фуқароларга миннатдорчилик билдирди.
