Тошкент шаҳар ҳудуди кенгайтирилади. Бу ҳақда Президентнинг пойтахтни 2041 йилгача ривожлантириш бўйича қарори лойиҳасида маълум қилинган.
Қарор лойиҳасида Тошкент ҳудуди 8 минг гектарга кенгайтирилиши айтилган. Пойтахт таркибига Хонобод, Ўзгариш посёлкалари, Юнусободнинг шимолий қисми (Зангиота тумани), Салар посёлкасининг, Олмос посёлкаси (Қибрай тумани) бир қисми, Сергелига туташ бўлган (Зангиота, Янгийўл, Юқоричирчиқ туманлари), Бектемир туманининг жанубий ҳудудлари (Қуйичирчиқ тумани)ни киритиш режалаштирилмоқда.
Маълумот ўрнида айтиш мумкинки, ҳозирда шаҳар ҳудуди 33,068 минг гектарни ташкил этаётган бўлса 2041 йилга бориб 41,5 минг гектарни ташкил этади.
