Uzbekistan Airways 30 июнгача парвозлар бекор қилиниши ҳақидаги хабарни инкор этди. Авиакомпания ОАВда тарқалган хабарлар ҳақиқатга тўғри келмаслигини маълум қилди.
Авиакомпания маълумотига кўра 30 июнгача чипталар сотиш тўхтатилган. Бу қарорга пандемия сабаб келинган.
"Авиачипталарни сотиш 30 июнгача тўхтатилгани бу мамлакатда карантин ўша вақтгача давом этади дегани эмас. Агар карантин ундан эртароқ бекор қилинса, унда авиакомпания чипта сотишни қайта йўлга қўяди. Ҳозирча карантин бекор бўлиш санаси маълум эмас", - дейилади компания ахборотида.
Эслатиб ўтамиз, Ўзбекистонда 30 мартдан коронавирус тарқалгани сабабли авиақатновлар вақтинча чекланган эди. Ҳозирда мамлакатда барча аэропортлар вақтинча ўз фаолиятини тўхтатган.
