Бугун бўлиб ўтган навбатдаги брифингда Коронавирусга қарши кураш штаби аъзоси Ҳабибулла Оқилов фуқаролардан келиб тушган саволларга жавоб берди.
Хусусан, карантиндан кейин ҳам тиббий ниқоб ва ҳимоя воситаларидан фойдаланишда давом этиладими деган мазмундаги саволга мутахассис қуйидагича жавоб беди.
"Бу Жаҳон соғлиқни сақлаш ташкилотининг тавсиялари ва ўша вақтдаги эпидемиологик ҳолатга боғлиқ", - деди мутахассис.
"Шахсий гигиена қоидалари ва ижтимоий масофаланиш тартибига юртдошларимиз кўникишди ва улар ушбу қоидаларга риоя қилишда давом этишади", - дея қўшимча қилди Ҳабибулла Оқилов.
