Фарғонада МИБ ходими жиноятга қўл урди

10-12-2018, 16:54
Жамият
Фарғонада МИБ ходими жиноятга қўл урди
Мажбурий ижро бюроси Фарғона туман бўлими давлат инспектори Умид Каримов ўз хизмат мавқеидан фойдаланиб, ўзганинг мулкини алдаш йўли билан қўлга киритиш мақсадида фирибгарлик жиноятига қўл урди, дея хабар қилди ЎзА.

Давлат инспектори лавозимида ишлаган У. Каримовнинг вазифаларига электр, табиий газдан фойдаланаётган истеъмолчилар томонидан тўловларни ўз вақтида тўланишини назорат қилиш, ўзига бириктирилган ҳудуддаги фуқароларнинг яшаш хонадонларига ўрнатилган электр ва табиий газ ҳисоблагич кўрсатгичларини кўрикдан ўтказиб, компьютер базасига киритиб бориш кабилар кирарди.

У Фарғона туманидаги “Илғор” маҳалласида яшовчи С.Хнинг яшаш хонадонига бориб, унинг фойдаланилган табиий газ учун тўловларини Мажбурий ижро бюроси Марғилон шаҳар бўлими давлат инспекторлари томонидан ундирилишини билса-да, нафснинг куйига учади. Унинг ҳақиқатда фойдаланилган табиий газдан бўлган 482 минг 928 сўм қарздорлигини 2 миллион 850 минг сўм деб, уни алдаб 150 АҚШ доллари миқдоридаги пулларини фирибгарлик йўли билан қўлга киритади. Ушбу пуллардан 50 АҚШ доллари миқдоридагисини 400 000 сўм пул ҳисобида С.Хнинг абонент ҳисоб рақамига тўлаб, қолган 100 АҚШ доллари миқдоридаги пулни ўзининг шахсий эҳтиёжлари учун сарфлаб юборади.

Жиноят ишлари бўйича Фарғона тумани судининг “Қорасув” маҳалла фуқаролар йиғинида бўлиб ўтган очиқ сайёр суд мажлисида У. Каримовнинг жиноят иши кўриб чиқилди. Суд мажлисида судланувчининг чин дилдан пушаймонлиги, оилавий шароити, жиноят иши бўйича моддий зарар тўлиқ қопланганлиги эътиборга олинди. Унга Ўзбекистон Республикаси Жиноят Кодекси 168-моддаси 3-қисмининг “в” банди билан ЖКнинг 45-моддасини қўлланилиб, 2 йил муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилиниб, иш ҳақининг йигирма фоизини давлат даромади ҳисобига ушлаб қолган ҳолда икки йил муддатга ахлоқ тузатиш ишлари жазоси тайинланди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

ХДП вакили жамиятда яна бир турдаги жаримани жорий этиш таклифини илгари сурди

Аввал хабар берганимиздек кеча, 11 декабр санасида Марказий сайлов комиссияси Халқаро матбуот марказида Халқаро...
Бугун, 18:33

Сурхондарёнинг собиқ ҳокими Баҳодир Пўлатов оғир ҳасталикка учраб Москвада даволанмоқда – ОАВ

Сурхондарё вилоятининг собиқ ҳокими Баҳодир Пўлатов оғир ҳасталикка учраб Москвада даволанаяпти, дея хабар қилди...
Бугун, 15:23

«Кўчада шунақа машина кўрса ҳавас қиларди» – Юлдуз Усмоновага турмуш ўртоғи BМW Х7 совға қилди (ВИДЕО)

Ўзбекистон халқ артисти Юлдуз Усмоновага турмуш ўртоғи Мансур Агалиев туғилган кунига BМW Х7 русумли автомашина совға...
Бугун, 15:08

Ғурур ва жазо: Самарқандда эркак 14 ёшли қизига тегинган дўстини ўлдириб қўйди

Самарқанд вилояти Ургут туманида эркак дўстини ўлдириб қўйди. Маълум бўлишича, Ш.Х. дўсти З.Ҳ.ни темир жисм билан...
Бугун, 14:58
/ Муҳокамалар +1

Ўзбекистонда мактаб ва ОТМлар 5 кунлик таълим тизимига ўтиши мумкин

Турзимни ривожлантириш давлат қўмитаси томонидан тайёрланган Вазирлар маҳкамаси қарори лойиҳаси муҳокамага қўйилди....
Бугун, 09:26
/ Муҳокамалар +4