Ўзбекистонда ҳафта давомида кучли ёмғир ва момақалдироқ бўлиши кутилмоқда. Бу ҳақда "Ўзгидромет" хабар қилди.
Хусусан, 4-6 май кунлари мамлакатимизга Туркманистон ҳудудидан нам ҳаво кириб келиши кутилмоқда.
4 майда Хоразм, Бухоро, Навоий вилоятларида ёмғир, айрим жойларида кучли ёмғир ва момақалдироқ бўлиши кутиляпти. 5 май санасида эса шундай ҳолат Андижон, Наманган, Фарғона вилоятларида кузатилиши мумкин. 6 май куни Тошкент, Самарқанд, Жиззах, Сирдарё, Андижон, Наманган, Фарғонада ёмғир, кучли ёмғир ва момақалдироқ бўлиши кутилмоқда.
