“Кураш” ассоциацияси президенти Салим Абдувалиев халқ уни криминал оламга алоқадор деб билиши юзасидан фикр билдирди. Унинг сўзларини УПЛ нашри келтирди.
“Одамлар мен ҳақимда турли гаплар айтишади. Мен ҳеч қачон бировга тегинмаганман. Мен оддий ҳаёт кечираман ва ўз ҳаётимдан мамнунман. Мен ҳеч қачон ҳеч кимни хафа қилмаганман. Мен ҳақимда“мафия”, “криминальный авторитет” деган гаплар юради. Мен буларнинг маъносини билмайман ҳам. Агар одамда “авторитет” бўлса демак уни ҳурмат қилиш керак. Мени одамларнинг ўзлари шундай кўрсатишади. Мени мақташса хурсанд бўлмайман ва танқид қилишса ҳафаям бўлмайман. Менинг ўз қарашларим бор ва улар мен учун муҳим”, – дейди Абдувалиев.
Маълумот ўрнида айтиш мумкинки Салим Абдувалиев халқ орасида “Салимбой” номи билан машҳур. У 1997 йилдан буён ассоциация президенти ҳисобланади. Шунингдек, у 2000 йилдан бери миллий олимпия қўмитаси вице-президенти лавозимида фаолият юритади.
