Аввалроқ сайтимизда Репост нашри ахборотига таяниб Учтепа туманидаги Фарҳод автомобиль бозори ҳудудида тадбиркорда юқори ҳарорат кузатилгани ҳақида хабар берган эдик. Шундан сўнг куннинг иккинчи ярмида ИИББ бозорда тадбиркорда юқори ҳарорат қайд этилмаганини маълум қилди.
Бугун Замон ИД'га Соғлиқни сақлаш вазирлиги матбуот котиби Фурқат Санаев бозорда тадбикорда эмас, балки унга кирмоқчи бўлган фуқарода кириш эшиги олдида ҳарорат ўлчанганда иситмаси бўлганини маълум қилди.
Ҳозирда ушбу фуқаро изоляцияга олингани, коронавирусга таҳлил топширилгани ва натижаси бўйича хабардор қилиниши маълум қилинди. Фуқарода бозор ҳудудида эмас балки унинг ташқарисида юқори ҳарорат қайд этилгани алоҳида таъкидланди.
