Ижтимоий тармоқларда унча машҳур бўлмаган хонандалар ўз чиқишлари учун ҳокимдан 4000 доллар олганини айтиб, мақтанган видео тарқалди.
Видеода икки аёл “Ўшал дамлар” қўшиғини айтгани учун 4000 доллар олганини айтган. Таҳмин қилинишича, аёллар Андижон вилоятидан.
Аёллар шунингдек, ҳоким уларга фаолиятини ривожлантириш учун 500 млн ажратганини ҳам маълум қилган. Ундан ташқари, хонандаларнинг сўзларига кўра, студия учун жой ажратилади. Ҳозирча айнан қайси ҳоким ҳақида сўз бораётгани маълум эмас. Таъкидлаш жоиз, Яхёбек Мўминовнинг “Ўшал дамлар” қўшиғи 2015 йилда машҳур бўлган.
Видео тарқалгандан сўнг хонандаларнинг бири яна мурожаат билан чиқди. Унда аёл ўша видеони дугонасининг “ичини ёндириш” мақсадида олганини маълум қилган. Бу уларнинг “озгинагина театри” экани айтилмоқда.
Видео гуруҳга қўйилган, лекин уни ким тарқатгани ҳақида аёл билмаслигини айтган.
