Қашқадарёнинг Деҳқонобод туманида сув омбори қуриляпти. Бу ҳақда "Халқ сўзи Online" туман ҳокими Зоир Алиқулов маълумотига таяниб хабар қилди.
Маълум бўлишича, ВМнинг 2016 йил 30 декабрдаги қарорига асосан, туманда қурилаётган сув омбори фойдаланиш ҳажмини ошириш ишлари 2017 йилги манзилли дастурга киритилган. Ушбу сув омбори 240 гектардан ортиқ майдонни эгаллаган. Унинг узунлиги 850 метр, баландлиги 36,2 метр экани айтилмоқда. Шунингдек, кейинчалик унинг қувватини янада ошириш борасида ишлар давом эттирилиши маълум қилинди.
Туман ҳокими сув омбори қурилишида иштирок этаётган ишчиларга яратилган шароитлар билан танишди. Ҳокимнинг маълум қилишича, сув омборини қуриш бўйича тендер савдосида “Яккабоғ Қўрғони“ корхонаси ғолиб бўлган ва ҳозирда қурилиш ишлари шу корхона томонидан олиб борилмоқда.
