ССВнинг хабар қилишича, 15 май куни соат 19.00 ҳолатига кўра 2682 (30) нафар фуқарода коронавирус аниқланган.
Янги касалланганларнинг 5 нафари халқаро юк ташувчи автомашина ҳайдовчиси экани айтилмоқда. Уларнинг 3 нафари 13 май куни Қозоғистондан, 2 нафари эса Россиядан кириб келган. Қолган 25 нафар фуқаронинг 23 нафари Самарқанддан 2 нафари эса Тошкентдан экани маълум қилинди. Улар аввал касаллиги аниқланган 11 нафар бемор билан мулоқотда бўлиб, карантинга олинган шахлсардир.
Эслатиб ўтамиз, айни пайтда мамлакатимизда 2158 нафар фуқаро ушбу касалликдан соғайган. 513 нафар бемор эса даволанмоқда.
