Ўзбекистонда яна коронавирус билан зарарланиш ҳолатлари кузатилди. Бу ҳақда ССВ хабар қилди.
Маълум бўлишича, 16 май соат 23:00 ҳолатига кўра коронавирус инфекцияси қайд этилганлар сони 2738 (+19) нафарни ташкил қилмоқда.
Янги касалланиш ҳолатларининг 16 нафари хориждан келган фуқароларда аниқланган. Уларнинг 12 нафари Тожикистондан келган, 4 нафари эса Москвадан чартер рейс орқали Тошкентга келганлардир. Шунингдек, 3 нафари аввалдан Наманганда карантинда бўлган маҳаллий фуқаролар экани айтилмоқда.
Айни вақтда Ўзбекистонда 2213 нафар бемор касалликдан соғайгани маълум қилинмоқда.
