Аввалроқ сайтимизда Самарқанд вилоят прокуратураси ахбортига таянган ҳолда вилоятда шифокорга нисбатан жиноий иш қўзғатилгани ҳақида хабар берган эдик.
Унда шифокор ўзида коронавируснинг аломатларини сезган бўлсада, керакли чораларни кўрмаганлиги ва шунинг натижасида шифокорнинг айби билан 34 кишига коронавирус юқтирилгани хабар қилинган эди. Шундан сўнг Соғлиқни сақлаш вазири Алишер Шодмонов ушбу ҳолат бўйича керакли асосларни келтирган ҳолда, шифокорга нисбатан жиноий иш қўзғатмасликни сўраб, Бош прокурорга мурожаат қилган эди. ССВнинг хабар қилишича, Бош прокуратура вазирга жавоб хати юборган. Унда ҳолат бўйича шошма-шошарликка йўл қўйилгани, барча фактлар синчковлик билан ўрганилмагани ва яна бошқа ҳолатлар аниқлнангани маълум қилинган.
Шунга кўра шифокорга нисбатан Бош прокуратура томонидан Самарқанд вилоят ИИБ ҳузуридаги Тергов бошқармаси томонидан шифокор Х.Д.га нисбатан Жиноят кодексининг 257-1-моддаси 1-қисми билан жиноят иши қўзғатиш ҳақидаги қарори бекор қилинган.
