Ижтимоий тармоқларда Ўзбекистонда расман иккинчи хотинга уйланишга рухсат берилди деган мазмунда хабарлар тарқалди. Давлат хизматлари агентлиги ушбу тарқалган хабарга муносабат билдирди.
Агентликнинг маълум қилишича, бу хабарлар ёлғон. Агентлик ЖКнинг 126-моддасига кўра, кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш — базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланиши маълум қилди.
Шунингдек, Оила кодексининг 16-моддасига асосан никоҳ тузишга лоақал биттаси рўйхатга олинган бошқа никоҳда турган шахслар ўртасида йўл қўйилмаслигини таъкидлади.
