Сардоба сув омборидаги тошқин оқибатларини бартараф қилишда Давлат хавфсизлиги хизмати идоралари ходимлари ҳам фаол иштирок этмокда

21-05-2020, 13:46
Жамият
Сардоба сув омборидаги тошқин оқибатларини бартараф қилишда Давлат хавфсизлиги хизмати идоралари ходимлари ҳам фаол иштирок этмокда
Бугунги кунда Сардоба сув омборидаги тошқин оқибатларини бартараф қилишда барча масъул ташкилотлар қаторида давлат хавфсизлиги хизмати идоралари ходимлари ҳам фаол иштирок этган ҳолда уйлари талофат кўрганларнинг оғирини енгил қилиб, уларнинг яшаш шароитларини яхшиланиши учун ўзларининг жонбозликларини намоён этишмоқда.

Бунга кўра, бир гуруҳ ходимлар 1 май куни техноген вазият вужудга келган кундан бошлаб зарар етказилган жойларга ҳар куни чиқиб, тошқин туфайли талофат етказилган Мирзаобод, Оқолтин ва Сардоба туманларида олиб борилаётган қидирув-қутқарув ишларида қатнашиб, аҳолига яқиндан ёрдам бериб келишаяпти.

Жумладан, Мирзаобод тумани ҳудудида тошқиндан зарар кўриб, кейинчалик қайтиб келган 160 нафар фуқаро билан боғлиқ озиқ-овқат муаммоси юзага келганлиги аниқланиб, туман ҳокимлиги билан ҳамкорликда 8 турдаги озиқ-овқат маҳсулотлари кечиктирилмасдан тарқатилди. Бундан ташқари, Сардоба туманининг “Юртдош” МФЙ ҳудудидаги 50 та хонадонда яшовчилар ишчи гуруҳга ичимлик суви етказиб берилмаётганлиги ҳақида мурожаат қилган эдилар. Ушбу муаммо туман “Сувоқава” бошқармаси ходимларини жалб қилган ҳолда тезда ўрганиб чиқилиб, имконият даражасида ижобий ҳал этилди.

ДХХ ходимларининг ташаббуси ва саъй-ҳаракатлари билан Оқолтин туманининг сув тошқини юз берган “Аҳиллик” маҳалласидаги 60 та хонадон вилоят санитария-эпидемиология осойишталик маркази ходимлари томонидан талаб даражасида сифатли дезинфекция қилинди.

Шу билан бирга, “Навбаҳор” МФЙда яшовчи Х.Шарипова билан суҳбат ўтказилганида, маҳалла ҳудудидан “Баҳористон” МФЙга эвакуация қилинган 126 нафар фуқарога 11 май кунидан буён озиқ-овқат маҳсулотлари берилмаётгани, бундан ташқари, уларга дори воситалари ҳам зарурлиги тўғрисидаги маълумотлар олиниб, тез орада туман ҳокимлиги вакилларини жалб қилган ҳолда ушбу камчилик ҳам бартараф этилди.
ДХХ ходимлари тошқиндан азият чеккан одамларга ҳамдард, ҳамнафас бўлиб, уларни тушкунлик ҳолатидан чиқариш, кайфиятини кўтариш, маънавий куч-қувват бағишлаш учун зарур психологик тавсиялари ва маслаҳатларини аямай, мавжуд муаммоларини бартараф этишни давом эттиришмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

ДХХ Консерваторияга ўқишга киритишни ва намунавий уй олиб беришни ваъда қилган фирибгарларни қўлга олди

ДХХ консерваторияга ўқишга киритишни ва намунавий уй олиб беришни ваъда қилган фирибгарларни қўлга олди. Бу ҳақда...
Бугун, 11:33

Қилмаган ва ҳатто хабари бўлмаган жиноят учун 11 йил қамоқда ўтирган фуқаро оқланди

Қилмаган ва ҳатто хабари бўлмаган жиноят учун 11 йил қамоқда ўтирган фуқаро оқланди. Бу ҳақда Дарё хабар қилди. Маълум...
Бугун, 10:53
/ Муҳокамалар +4

Ўзбекистонда 4 та ҳудудда коронавирусга чалинганлар аниқланди

Ўзбекистонда 4 та ҳудудда коронавирусга чалинганлар аниқланди. Бу ҳақда ССВ хабар қилди. Маълум бўлишича, 1 июнь соат...
Бугун, 10:27
/ Муҳокамалар +2

ИИББ томонидан SPA-салонлар текширилиши ва аниқланган фоҳишалар билан қандай суҳбат олиб борилиши ҳақида айтилди

Тошкент шаҳар ИИББ томонидан SPA-салонлар текширилиши ва аниқланган фоҳишалар билан қандай суҳбат олиб борилиши ҳақида...
Кеча, 20:00

Тошкентда коронавирусга чалинган аёл вафот этди

Тошкентда коронавирусга чалинган аёл вафот этди. Бу ҳақда ССВ хабар қилди. Маълум бўлишича, шу йил 30 май куни...
Кеча, 17:56