Ўзбекистонда коронавирусга чалинганлар сони ошди. Бу ҳақда ССВ хабар қилди.
Маълум бўлишича, бугун соат 10:00 ҳолатига кўра мамлакатимизда коронавирус билан зарарланганлар сони 3078 (+42) нафарни ташкил қилмоқда. Янги касалланиш ҳолати барча хориждан келганлар орасида аниқланган. Уларнинг 38 нафари Россиядан чартер рейс билан келган, 2 нафари Тожикистондан ва 2 нафари Қозоғистондан келган.
Айни вақтда юртимизда 2492 нафар фуқаро коронавирусдан соғайган бўлса, 573 киши ушбу касалликка қарши даволанмоқда.
