Маълум бўлишича, бугун соат 23:00 ҳолатига кўра Ўзбекистонда коронавирус инфекцияси қайд этилганлар сони 3164 (+14) нафарни ташкил этмоқда. Янги касалланганларнинг 8 нафари Самарқанд вилоятида, 2 нафари Тошкент вилоятида аниқланган. 4 нафари эса Қозондан чартер рейс билан келган фуқаролар орасида қайд этилган.
Вазирликнинг қўшимча қилишича, бугун, 24 май куни юртимизда 49 нафар фуқарода коронавирус аниқлнган бўлиб, уларнинг 5 нафари хориждан келган, 8 нафари карантин муассасаларидан, 36 нафари эса аҳоли орасидан аниқланган. Шунингдек, бугун 33 киши ушбу касалликдан соғайди. Айни вақтга келиб эса умумий тузалганларнинг сони 2565 нафарни ташкил этмоқда. 586 нафар бемор даволанмоқда.
