Бугун, 25 май куни Бош давлат санитария инспектори Нурмат Отабеков иштирокида брифинг бўлиб ўтди. Унда Отабеков фуқаролар томонидан берилган саволларга жавоб берди.
Коронавирус касаллигини четда юқтириб келган одамларга қандайдир чора кўриладими?
"Йўқ. Касалликни ҳеч ким атайлаб, қасддан юқтириб келмайди. Шунинг учун қонунда уларга нисбатан чора кўриш белгиланмаган", - дейди Отабеков.
Шунингдек, келгусида коронавирусга ўхшаган бошқа касалликлар бўйича эпидемия ёки пандемиялар бўлиши мумкинми деган мазмундаги саволга мутахассис қуйидагича жавоб берди.
"Келгусида бошқа касалликлар сабабли эпидемия ёки пандемиялар бўлиш ёки бўлмаслигига ҳеч ким кафолат бера олмайди", - дея таъкидлади Нурмат Отабеков.
