Хоразмда коронавирусга чалинган беморлар қолмади. Бу ҳақда ССВ хабар қилди.
Маълум бўлишича, бугун мамлакатимизда умумий ҳисобда 29 нафар (Тошкентда 15 нафар, Андижонда 2 нафар, Хоразмда 3 нафар, Наманганда 7 нафар, Самаорқандда 2 нафар) беморлар коронавирусдан тузалган. Эътиборли жиҳати, Хоразмда 3 нафар бемор соғайиши билан ушбу ҳудудда коронавирусга чалинганлар қолмади. Наманганда эса ҳозирда 3 нафар бемор қолмоқда ва ушбу ҳудуд ҳам коронавирусдан ҳоли ҳудудга айлинишга яқин турибди.
Айни вақтда юртимизда коронавирусдан соғайганларнинг умумий сони 2636 нафарни ташкил этмоқда. Бухоро, Қашқадарё, Фарғона, Жиззах, Сурхондарё ва Хоразм вилоятлари эса коронавирусдан ҳоли ҳудудга айланди.
