Аввал хабар қилинганидек, бугун Коронавирусга қарши кураш штаби аъзоси Севара Убайдуллаева иштирокида брифинг ўтказилди. Унда мутахассисдан яқинда вирус аниқланган "Ипотека банк" ходими касалликни қаерда юқтиргани хусусида сўралди.
"Бу борада эпидемиологик суриштирувлар олиб борилмоқда. У билан мулоқотда бўлган барча фуқаролар қоидага кўра 14 кунлик карантинга олинган", - дея жавоб берди Севара Убайдуллаева.
Эслатиб ўтамиз, 24 май куни “Ипотека - банк” бош бошқармаси ходимида коронавирус аниқланган. Шундан сўнг унинг яшаш манзили бўйича мулоқотда бўлган барча оила аъзолари белгиланган тартибда карантинга олинган. Шунингдек, ушбу ходим билан мулоқотда бўлган барча ҳамкасблари эса 14 кунлик карантин назоратига олинган. Қолган ходимлар яшаш манзиллари бўйича тиббий назоратга олинган. Уларнинг барчасидан лаборатор таҳлил учун намуналар олинган.
