Бош давлат санитария инспектори Нурмат Отабеков Ўзбекистонда коронавирус пандемияси билан боғлиқ ҳолат бўйича сўз юритди.
Мутахассис карантин тадбирлари давом этаётганини таъкидлаб, ҳозирда 46 мингдан кўпроқ фуқаро карантинда бўлиб турганини айтди.
Мамлакатда эпидемик вазият жиддийлигича сақланиб қолмоқда. Отабеков аввалроқ Новоий “яшил” ҳудуддан “қизил” ҳудудга айлнгани, кеча Бухорода ҳам шундай ҳолат кузатилганини алоҳида таъкидлади.
“Энг ачинарлиси, аҳоли орасида касалликка чалинганлар аниқланяпти. Уларнинг қаерда, кимдан касаллик юқтирганини аниқлаш имкони бўлмаяпти. Бу эса касалликка чалинганлар, касаллик манбаи атрофимизда эканидан далолат. Ҳар биримиз кўчага чиққандан кейин оиламиз бағрига соғлом қайтиб келиш ҳақида ўйлашимиз керак”, – дейди мутахассис.
Эслатиб ўтамиз, 2020 йил 28 май соат 10:00 ҳолатига кўра Ўзбекистонда ушбу вақтга келиб коронавирус инфекцияси қайд этилганлар сони 3396 нафарни ташкил этмоқда. Ҳозирда 714 нафар бемор даволанмоқда.
