Бугун, 5 июнь куни Санитария-эпидемиология осойишталик агентлиги директорининг биринчи ўринбосари Ботир Қурбонов билан брифинг ташкиллаштирилди.
Унда Қурбоновдан Ўзбекистонда 15 июнь санасидан карантин тадбирлари бекор қилинадими, деган мазмунда савол сўралди. Мутахассис ушбу саволга қуйидагича жавоб берди.
"Карантин тадбирлари тугатилиши ёки бир муддат чўзилиши — коронавирус инфекцияси билан боғлиқ эпидемик вазиятни эътиборга олган ҳолда белгиланади.
Агарда касаллик бўйича барқарорликка эришилса, карантин тадбирлари бекор қилинади, касаллик ўсиш суръати жадаллашса, карантин тадбирлари ҳам кучайтирилади", - деди Қурбонов.
