Ўзбекистон Ookla компанияси томонидан тайёрланган Speedtest Global Index рейтингида (2018 йил ноябрь ойи учун) 108 ўринни эгаллади. Бу ҳақда EVERYDAY.UZ мухбири хабар қилмоқда.
Унга кўра Ўзбекистонда мобиль интернетнинг юклаш тезлиги 10.44 Mbps, тарқатиш тезлиги эса 4.64 Mbps. Шундай қилиб юқорида қайд этилган кўрсаткичлар бўйича биз Афғонистон (121), Тожикистон (123) ва Ҳиндистонни (111) ортда қолдирдик.
Энг қизиғи, Қозоғистон мазкур рейтингда 80 ўринни, Қирғизистон 100 ўринни, Россия эса 77 ўринни эгаллади.
Эслатиб ўтамиз, Ўзбекистон октябрь ойида мазкур рўйхатда 110 ўринни эгаллаган эди.
Симли интернет бўйича эса Ўзбекистон 111 ўринни эгаллади. Унга кўра Ўзбекистонда интернет юклаш тезлиги 9.98 Mbps, тарқатиш эса 9.74 Mbps’га тенг.
Солиштириш учун, Қозоғистон симли интернет бўйича 60 ўринни, Россия 45 ўринни, Қирғизистон эса 82 ўринни эгаллади.
Ўзбекистон симли интернет бўйича тузилган рейтингда октябрь ойида 110 ўринни эгаллаган эди.
