ССВ томонидан бугун, 9 июнь соат 10:00 ҳолатига кўра нечта фуқарода коронавирус аниқлангани маълум қилинди.
Хабар қилинишича, ушбу вақтга келиб яна 8 нафар фуқарода коронавирус аниқланган. Уларнинг барчаси Тошкент шаҳрида, аҳоли орасида аниқланган. Айни вақтда мамлакатда умумий зарарланганлар сони 4448 нафарга етди.
Ҳозирда 1073 нафар бемор даволанмоқда. Улардан 8 нафари оғир, 1 нафари эса ўта оғир аҳволда.
Таъкидлаш жоиз, сўнгги кунларда пойтахтда аҳоли орасида коронавирусга чалинганлар сони кескин ошиб бормоқда.
