Хабар қилганимиздек, “Шўрданак” ва “Қалпоқ” ҳажвия дастурлари ижодкорлари ЙПХ ходимларига ҳазил қилиб яратган ижод маҳсули учун узр сўраб, бу ишидан пушаймон бўлганликлари ҳақида ёзган эдик. Ушбу ҳолат тармоқларда кескин муҳокамларга сабаб бўлди.
Маданият вазирлиги мазкур воқеа бўйича муносабатини билдирди. Вазирликнинг маълум қилишича, вакиллар “Шўрданак”чилар билан суҳбатлашганда ушбу ҳолат бўйича фикр билдиришни истамаган.
“Маданият вазирлиги ҳажвия, сатира, аския борасида санъат ва ижодни чегараламасликни маъқуллайди. Йиллар давомида ҳажвия орқали жамиятдаги муаммо ва иллатларни йўқ қилишга қаратилган, бу йўл орқали турли соҳа йўналишларини ислоҳ қилишга ҳам кўмаклашилган. Бу худди журналист ва блогерларнинг бир муаммони олиб чиқиб, уни хал этилишига қаратилган мавзуларга ўхшайди. Шундай экан, унда нима учун бу ҳазиллар ўринли қабул қилинмайди-, деган саволлар ҳам йўқ эмас”, – дейилади вазирлик муносабатида.
Шунингдек, вазирлик хажвия бирон одамни камситишга қаратилган бўлса бунга қарши эканини билдирган.
“Хуллас, маданият ва санъат соҳасида чекловлар қўйилса, у ҳеч қачон ривожланмайди”, – дея вазирлик ўз муносабатига якун ясаган.
