Соғлиқни сақлаш вазирлиги томонидан Ўзбекистонда коронавирус билан зарарланиш бўйича сўнгги маълумот эълон қилинди.
Маълум бўлишича, 11 июнь соат 10:00 ҳолатига кўра Ўзбекистонда яна 72 нафар фуқарода коронавирус аниқланган. Айни вақтда умумий зарарланганлар сони 4695 нафарга етди. Янги касалланаши ҳолатлари 20 нафари карантин марказида, 18 нафари Навоий вилоятида, Тошкент шаҳри ва Наманган вилоятида 3 нафардан аҳоли орасида аниқланган. Бундан ташқари, Қашқадарёнинг Муборак туманида жойлашган хорижий корхонанинг 28 нафар ишчисида ҳам коронавирус аниқланди.
Ҳозирда юртимизда 1144 нафар бемор даволанмоқда. Улардан 10 нафари оғир, 1 нафари эса ўта оғир аҳволда.
