Бугун Санитария-эпидемиология назорати давлат инспекцияси бош инспектори Нурмат Отабеков иштирокида бўлиб ўтган брифингда мутахассисдан Ўзбекистонда кунлар исиб кетгани, бу ўз навбатида тиббий ниқобни тақишда қийинчилик туғдираётгани ва мамлакатда қачон ниқоб тақиш талаби бекор бўлиши хусусида сўралди.
Отабеков ушбу саволга қуйидагича жавоб берди.
"Инфекция ҳаво томчилари орқали юқишини ҳисобга олсак, ниқоб тақиш касалликни олдини олишда муҳим аҳамиятга эга. Уни қоидаларга тўлиқ риоя этган ҳолда тақиш керак (яъни ҳар 3 соатда алмаштириб)", - дейди мутахассис.
