Бир кунда учта ҳудудда аҳоли орасида коронавирус юқтирганлар аниқланди. Бу ҳақда ССВ хабар қилди.
Маълум бўлишича, кеча, 15 июнь куни Ўзбекистонда 183 ҳолатда касаллик қайд этилган. Шундан 144 нафари Карантин муассасаларидаги фуқаролар, 29 нафари аҳоли орасида (шундан 25 нафари Тошкент шаҳрида, 3 нафари Самарқанд вилоятида, 1 нафари Хоразм вилоятида), қолган 10 нафари эса халқаро юк ташувчи автомашина ҳайдовчилари орасида аниқланган. Шундай қилиб 15 июнь соат 23:00 ҳолатига кўра Ўзбекистонда коронавирус инфекцияси қайд этилганлар сони 5263 (+109) нафарни ташкил этмоқда.
Шунингдек, кеча 76 нафар фуқаро соғайиб, касалликдан қутилганларнинг умумий сони 4019 нафарга етди.
