Ўзбекистоннинг яна 10 та ҳудудида масжидлар очилди. Бу ҳақда Дин ишлари бўйича қўмита матбуот хизмати хабар қилди.
Маълум бўлишича, шу йил 13 июнь куни Бухоро вилояти Когон тумани, Наманган вилояти Янгиқўрғон тумани, Навоий вилояти Конимех тумани, Самарқанд вилояти Пастдарғом, Оқдарё, Тайлоқ ва Жомбой туманлари, Сирдарё вилояти Сардоба тумани ва Тошкент вилояти Қуйи Чирчиқ тумани, Нурафшон шаҳрига “яшил” ҳудуд тоифаси берилган.
Шу йил 16 июндан бошлаб эса ушбу ҳудудларда масжидлар фаолиятига рухсат берилади.
Шунингдек, Қорақалпоғистон Республикаси Хўжайли тумани, Бухоро вилояти Вобкент тумани, Наманган вилояти Наманган ва Чуст туманлари, Сурхондарё вилояти Бойсун, Музробод туманлари, Қашқадарё вилояти Китоб тумани, Сирдарё вилояти Янгиер шаҳри “қизил” ва Навоий вилояти Навоий шаҳри, Тошкент вилояти Пскент тумани, Қашқадарё вилояти Муборак тумани эса “сариқ” ҳудудга айлангани учун у ерларда масжидлар вақтинча ёпилган.
