Бугун, 17 июнь куни Санитария-эпидемиологик осойишталик агентлиги директорининг биринчи ўринбосари Ботир Қурбонов иштирокида брифинг бўлиб ўтди.
Унда мутахассисдан умумий овқатланиш муассасаларига рухсат берилиб тўйхоналарга рухсат берилмаганининг сабаби сўралди. "Ресторанларга ҳам бир кунда юзлаб одам кириши мумкинку?", - деган саволга Қурбонов қуйидагича жавоб берди.
"Тўйларни ихчам ҳолда ва фақат яқин қариндошлари даврасида уй ховлисида 30 кишидан ошмаган ҳолда ўтказиш юзасидан Республика махсус комиссиясининг тегишли қарори қабул қилинган.
Тўйхоналарда фуқароларнинг бир вақтда йиғилиши касалликка чалиниш эҳтимолини оширади.
Ошхоналарга фақатгина қатьий санитария қоидаларига риоя қилган ҳолда, тегишли талабларни бажариш шарти билан рухсат берилган", - дейди Ботир Қурбонов.
