Ўзбекистонда 19 июнь соат 10:00 ҳолатига кўра яна 88 кишида коронавирус аниқланди. Бу ҳақда ССВ хабар қилди.
Янги касалланиш ҳолатларининг 27 нафари Карантин марказидаги фуқаролар орасида, 61 нафари Тошкент шаҳрида (шундан 51 нафари коронавирусга чалинганлар билан мулоқотда бўлиб карантинга олинганлар, 10 нафари аҳоли орасида) аниқланган.
Айни вақтда юртимизда умумий зарарланганлар сони 5855 нафарни ташкил этмоқда. Ҳозирда 1637 нафар бемор даволанмоқда. Улардан 12 нафари оғир аҳволда.
