Яна 43 кишида коронавирус аниқланди. Бу ҳақда ССВ хабар қилди.
Маълум бўлишича, бугун соат 17:00 ҳолатига кўра Ўзбекистонда яна 43 кишида коронавирус аниқланди. Янги касалланганларнинг 35 нафари Карантин марказида, 1 нафари Тошкентда аҳоли орасида ва 7 нафари Тошкент вилоятида коронавирусга чалинганлар билан мулоқотда бўлиб, карантинга олинганлар орасида аниқланди.
Эътиборли жиҳати, кеча тунда 43 кишида, бугун соат 10:00 ҳолатига кўра 43 кишида ва бугун соат 17:00 да ҳам 43 кишида коронавирус аниқланди.
Айни вақтда умумий зарарланганлар сони 6401 нафарга етди. 1998 нафар бемор даволанмоқда.
