Ўзбекистондаги ОТМларда келаси йили контракт нархлари сезиларли ошиши мумкин

18-12-2018, 09:09
Жамият
Ўзбекистондаги ОТМларда келаси йили контракт нархлари сезиларли ошиши мумкин
Ўзбекистонда келаси йилдан бир қатор ОТМлар ўзини-ўзи молиялаштириш тизимига ўтади. Бундай ОТМларда контракт нархлари сезиларли ошиши мумкин.

Ўзбекистонда 2019/2020 ўқув йилидан бошлаб тажриба тариқасида бир қатор олий таълим муассасаларини босқичма-босқич ўзини-ўзи молиялаштириш тизимига ўтказилиши мумкин. Бу жамоатчилик муҳокамаси учун эълон қилинган «Олий ва ўрта махсус таълим тизимини тубдан такомиллаштириш чора-тадбирлари тўғрисида»ги қарори лойиҳасида (https://regulation.gov.uz/uz/document/1522) кўрсатиб ўтилган. Муҳокама 1 январгача давом этади.

Агар қарор ҳозирги таҳририда қабул қилинадиган бўлса, ўзини-ўзи молиялаштириш тизимига ўтадиган олий таълим муассасаларига қуйидагиларни мустақил белгилаш хуқуқи берилади:

таълим жараёнига юқори малакали мутахассисларни жалб этиш, кўрсатиладиган таълим хизматлари сифатини ошириш мақсадида ходимларга устамалар, қўшимчалар ҳамда моддий рағбатлантиришнинг бошқа турлари миқдорларини белгилаш;

иқтидорли талабаларга, шунингдек, аҳолининг ижтимоий ҳимояга муҳтож қатламларидан бўлган талабаларга нисбатан моддий рағбатлантириш ва қўллаб-қувватлаш чораларини қўллаш;

барча маблағларини сақлаш харажатларига, қўйилган вазифа ва мажбуриятларни амалга оширишга, моддий-техник базани мустаҳкамлаш, ўқитишнинг инновацион шакл ва услубларини жорий қилишга ҳамда ходимларни қайта тайёрлаш ва малакасини оширишга сарфлаш;

олий таълим муассасаси инфратузилмасига сервис хизматлари кўрсатишнинг алоҳида турлари, жумладан, бино ва иншоотлар, талабалар турар жойлари, спорт объектлари эксплуатацияси, уларни тозалаш, таъмирлаш, компьютер техникаси ва телекоммуникация тармоқларини сақлаш ва юридик хизматлари кўрсатишни хусусий бошқарувга (аутсорсинг усули бўйича) бериш;

бўйсунуви бўйича вазирлик ва идора билан келишилган ҳолда олий таълим муассасасининг илмий-педагогик салоҳияти ҳамда унинг моддий-техник базаси имкониятларини инобатга олган ҳолда талабаларни тўлов-контракт асосида ўқишга қабул қилишнинг ҳар йиллик қабул кўрсаткичлари ҳамда янги таълим йўналишлари ва мутахассисликлар очилишини белгилаш;

бўйсунуви бўйича вазирлик ва идоралар билан келишилган ҳолда тўлов-контракт асосида ўқитиш қийматини олий таълим муассасасини ўзини-ўзи тўлиқ молиявий таъминлаш миқдорида белгилаш.

Сўнгги банд — нархлар катта эҳтимол билан ошади, дегани. Худди Жаҳон иқтисодиёти ва дипломатия университетида икки баробарга ошганидек. Ўз навбатида, нархлар ошгани билан қабул квотаси ҳам ошиши, ўқишга кириш имконияти аввалги йилларга нисбатан кенгайиши мумкин, - дейилади Daryo-Live хабарида.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Samariddin 18 декабр 2018 23:09
Assalomu alaykum. Albatta OTMlarda tal'mni yanada yaxshilashga qaratilgan ishlar yaxshi ammo bir tarafdan kontrakt oshib ketaversa ham o'qish ko'pchilikka qiyin bulib qoladi menimcha. Yana shu yerda bir masala kunduzgi ta'lim bilan sirtqi ta'limning kontrakt to'lovi tenglashtirilgan. Kunduzgi ta'limni-ku tushunsa bo'ladi, biroq 1 yilda 2 oygina o'qiydigan sirtqi ta'lim talabalariga stipendiya ham yo'q uning ustiga kontrakti ham kunduzgi ta'lim bilan bir xil. OTM xodimlari ham bunga qoniqarli javob berishmadi. Mana shu savol biz sirtqi ta'limdagilarni qiynab kelmoqda. Axir, ta'lim tizimidagi izchil olib borilayotgan islohatlar xalqimizni oliy ma'lumotli qilib, Vatanimizga foydasi tegadigan yetuk mutaxassislarni yetishtirish emasmi?
Талаба 19 декабр 2018 10:08
Мутлақо хато қарор. Фуқаролар орасида тенг ҳуқуқлилик бузилишига олиб келади, яъни, моддий таъминланган фуқароларгина (тадбиркор, савдогар...) фарзандининг таълим олишига ва албатта ишга жойлашишига шароит яратиб бериши мумкин, қолганларнинг эса моддий аҳволи янада оғирлашиб бораверади, чунки олий маълумот олиш имкони йўқлиги сабаб ишга ҳам жойлаша олмайди. Савдогарнинг фарзанди савдогар бўлади, гарчи у юрист ёки врач дипломига эга бўлса ҳам. Фикримча олий таълимни мутлақо бепул қилиш керак ва бунга алтернатив йўналишда хусусий таълимни ташкил қилиш зарур. Шундай қилинса, пулдорлар хусусий таълимни танлаши мумкин (имтиҳонсиз қабул қилаверса ҳам бўлади)

МУНОСАБАТ БИЛДИРИШ

Сўнгги янгиликлар

Чирчиқда 45 ёшли эркак 18 ёшли фуқарони ўғирлаб кетиб шафқатсизларча ўлдирди

Тошкент вилоятининг Чирчиқ шаҳрида қотиллик содир бўлди. Шу йил 9 сентябрь куни соат 20:30 да 45 ёшли М.М. Чирчиқдаги...
21-10-2019, 19:18

"700 доллар бермасанг эрига хиёнат қилди дейман" – Тошкентда "шантажлик"

Тошкентда 35 ёшли Абдувахоб Н. 37 ёшли Шахло Т.дан қўрқитиш йўли билан 700 доллар ишлаб олмоқчи бўлган. Маълум бўлишича...
21-10-2019, 18:22
/ Муҳокамалар +2

Видео: "Браво"даги Шаҳлога жамоадошлари "Каптива" совға қилди

"Браво" жамоаси аъзоси Шаҳло Зоировага жамоадошлари туғилгани куни муносабати билан автомашина совға қилишди. Ижтимоий...
21-10-2019, 18:07
/ Муҳокамалар +3

Қашқадарёда йигит ўз жонига қасд қилди

Қашқадарёнинг Қарши туманида 15 ёшли йигит ўз жонига қасд қилди. 2004 йилда туғилган Р.А. ўзини каналга ташлаб...
21-10-2019, 16:06

O‘zLiDeP: “Миллий тикланиш”нинг бизга рақиб сифатида майдонга чиқишига ҳали анча эрта”

O‘zLiDePни жиғига тегиш, уни асоссиз танқид қилиш ҳисобига обрў орттиришни мақсад қилиб олган Bayonoff.uz...
21-10-2019, 15:53
/ Муҳокамалар +1