Тошкент врачлар малакасини ошириш институти ректори, профессор Хабибулла Оқилов Ўзбекистон24 телеканалига интервью берди. Оқилов интервью давомида коронавирусдан вафот этганлар ва ушбу касалликнинг борлигига ишонмайдиганларга жавоб қайтарди.
"Вафот этганларнинг 13 фоизи 40 ёшгача бўлган фуқаролардир. 3 фоизи эса 20 ёшгача бўлганлар ва афсуски касалликдан вафот этганлар орасида 14 ёшли бемор ҳам бор. Биз ҳаммамиз вазиятга жиддий эътибор қаратишимиз керак. Вируснинг борлигига шубҳа билан қаровчилар ҳам бор. Улар танишлари орасида вирус билан зарарланганлар йўқлиги билан ўзларини оқлашга ҳаракат қилишади. Коронавирус бор! Биз мамлакатимизда бошқа давлатлардан яхши ҳолат эканини айтиб, ўзимизни тинчлантиришимиз керак эмас. Биз вазият ўзгариб кетиши мумкинлигини тушунишимиз керак. Шифокорларнинг барча тавсияларига риоя қилиш керак", - дейди Оқилов.
Оқилов шунингдек, бир жойда гуруҳ бўлиб йиғилмаслик ва кўп меҳмон чақириб тадбир ташкиллаштирмасликни сўради. Ректор ҳамма ўзининг ҳамда яқинларининг хавфсизлигини ўйлаш кераклигини таъкидлади.
