Бугун, 16 июль куни Санитария-эпидемиология назорати давлат инспекцияси раҳбари Нурмат Отабеков иштирокида брифинг бўлиб ўтди.
Унда Отабеков фуқаролардан томонидан берилган саволларга жавоб берди.
Нима сабабдан аввалида касалликдан тузалганлар сони тез кўпаяётган эди, лекин ҳозир касалланганлар сони кундан-кунга кўпаймокда, тузалганлар сони ўзгаришсиз қолмоқда?
“Ахолининг карантин чекловларига беписандлик билан қараши ахоли орасида касалланганлар сонини кундан кунга кўпайишига олиб келди.
Лекин шифокорларимизнинг фидокорона меҳнатлари туфайли тузалганлар сони ҳам оз эмас, бугунги кунга келиб, 8655 нафар бемор соғайган, охирги бир кунда касалликдан соғайиб шифохоналардан чиқарилган шахсларнинг умумий сони 328 нафарни ташкил этади”, – дейди Отабеков.
Аввалроқ депутат Мақсуда Ворисова ҳам шунга ўхшаш фикрни ўртага ташлаган эди.
