Бугун бўлиб ўтган брифингда Нурмат Отабеков фуқаролар томонидан берилган саволларга жавоб берди.
Нима учун Россияда касалланганлар сони бизникидан бир неча баробар кўп бўлишига қарамай, уларда ниқоб тақиб юриш бекор қилинди, бизда эса ҳали ҳам одамлар ниқоб тақмагани учун жаримага тортилмоқдалар?
"Аввало,таъкидлаш лозимки, Россияда ниқоб тақиш бутунлай бекор қилингани йўқ.
Транспортда, бозорлар, дўконлар ва бошқа аҳоли тўпланадиган жойларда ниқоб тақиш талаби сақланиб қолган, фақатгина кўчада юрганда ниқоб “тақиш шарт” деган фикр, “тақиш шарт эмас” деган фикр билан алмаштирилди.
Қолаверса, ҳар бир давлат касаллик профилактикасига қаратилган ўзининг тартибини белгилайди ва амалга оширади. Бизда эса бу талаб сақланиб қолган", - дея жавоб берди Санитария-эпидемиология назорати давлат инспекцияси раҳбари Нурмат Отабеков.
