Ўзбекистонда яна 300га яқин фуқарода коронавирус аниқланди. Аниқроғи, 283 кишида коронавирус чиқди.
Маълум бўлишича, янги касалланиш ҳолатларининг 93 нафари Карантин марказидаги (барчаси хориждан келган) фуқаролар орасида, 144 нафари Тошкент шаҳрида тана ҳарорати кўтарилганлиги туфайли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 25 нафари Самарқанд вилоятида, 21 нафари Сурхондарё вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Ҳозирда 6490 нафар бемор даволанмоқда. Улардан 58 нафари оғир, 7 нафари эса ўта оғир аҳволда.
Маълумот ўрнида, мамлакатда касалликдан умумий зарарланганлар сони 15349 нафарга етди.
