Бугун Тошкент шаҳар ҳокими матбуот котиби Фурқат Маҳмудхўжаев иштирокида брифинг бўлиб ўтди.
Унда тез ёрдамни чақиришга мўлжалланган “103” рақамига жавоб берувчи операторларни рағбатлантириш хусусида маълуот берилди.
“Фуқароларни безовта қилаётган ҳар бир ҳолат юзасидан тиббиёт муассасаларига “103” рақами узоқ банд бўлмаслиги учун иш режимини қайта кўриб чиқилди. Яхши ишлаган операторларни рағбатлантириш тизимини йўлга қўйилди (ҳар бир қабул қилинган ва сифатли қайта ишланган қўнғироқ учун 1500 сўм, яна 500 сўм - аъло муомала учун)”, – дейди Маҳмудхўжаев.
Шунингдек, энди тез ёрдам машинаси 15 дақиқадан кўп бўлмаган вақтда етиб бориши учун чоралар кўрилиши таъкидланди. Шу билан бирга, яхши ишлаган бригадалар учун ҳам рағбатлантириш борлиги айтилди. Бигадагилар ҳар бир аъло анкета учун 100 минг сўмдан олиши билдирилди.
